18.09.2012թ. ժամը 10:00-ին ԵՊՀ-ին առընթեր Ա.Շահինյանի անվ. ֆիզմաթ դպրոցի հանդիսությունների դահլիճում տեղի ունեցավ Ա.Շիրակացու 1400-ամյակին նվիրված ԱՊՀ երկրների դպրոցականների Աստղագիտության XV օլիմպիադայի բացման հանդիսավոր արարողությունը:

Միջոցառումը սկսվեց թատերականացված հանդիսությամբ, որի ընթացքում Ա.Շիրակացին իր պատգամը հղեց աշակերտներին և ուսուցիչներին: Ողջույնի խոսքով հանդես եկան և մասնակիցներին հաջողություններ մաղթեցին ՀՀ ԿԳ նախարարի տեղակալ, օլիմպիադայի կազմկոմիտեի նախագահ Մանուկ Մկրտչյանը, Բյուրականի աստղադիտարանի փոխտնօրեն, ֆիզմաթ գիտ. դոկտոր Տիգրան Մաղաքյանը, Ազգային Ակադեմիայի թղթակից անդամ, դոկտոր պրոֆեսոր Էմմա Պարսամյանը, ՌԴ ԳԱԱ, ֆիզիկայի ինստիտուտի գիտական քարտուղար, օլիմպիադայի համանախագահ Միխայիլ.Գավրիլովը: Ներկա էին ԿԳ ներկայացուցիչներ, ակադեմիկոսներ, գիտնականներ, ԱԺ պատգամավորներ: Օլիմպիադային մասնակցում են ՌԴ Մոսկվա, Մեծ Նովգորոդ, Բելգորոդ և Ռոստով, Ուկրաինայի Սիմֆերոպոլ, Ղազախստանի Ալմաթի քաղաքների թիմերը, իսկ Հայաստանից` ՀՊՃՀ Երևանի ավագ դպրոցի և Ա.Շահինյանի անվ. ֆիզմաթ դպրոցի թիմերը:

Բոլոր մասնակիցներին մաղթում ենք հաջողություններ...