Հարգելի գործընկերներ, սիրելի աշակերտներ

Մի քանի օրից կավարտվեն դպրոցականների առարայական հերթական օլիմպիադաները: Միջոցառումներ, որոնք անցան բավականին հագեցած գրաֆիկով, հետաքրքրությամբ, անակնկալներով, նորություններով, ինչու չէ, ոմանց համար նաև հիասթափության պահերով: Հետևում ունենալով նախորդ տարիների մեր ձեռքբերումները միջազգային օլիմպիադաներում՝ հուսով ենք, որ այս տարի նույնպես կունենանք նմանատիպ կամ ավելի բարձր արդյունքներ:
Արդեն վստահաբար կարող ենք ասել, որ այս ձևաչափով օլիմպիադաների անցկացումը խթանում է տվյալ առարկայի նկատմամբ հետաքրքրության աճին, մեծ թվով աշակերտների ընդգրկմանը, և, բնականաբար, նպաստում է կրթության որակի բարձրացմանը:
Սակայն հետագայում մեր համատեղ աշխատանքը լավագույնս կազմակերպելու և անցկացնելու համար արժևորում ենք ձեր գնահատականները, բայց և շատ ենք կարևորում ձեր առաջարկությունները: Հաշվի առնելով այն հանգամանքը, որ արդեն երկրորդ տարին է, ինչ օլիմպիադաների առաջին փուլի (դպրոցական փուլ) անցկացման ժամանակ որոշ առարկաների (մաթեատիկաևֆիզիկա առարկաներն արդեն երկրորդ տարին է, իսկքիմիա, կենսաբանություն, աստղագիտություն և ինֆորմատիկա առարկաներն՝ այս տարվանից) համար կիրառվում է առցանց (online) տարբերակը, որի ժամանակ աշակերտները կատարում են առաջադրանքները և լրացնում ձևաթղթեր (բացառությամբ ինֆորմատիկա առարկայից), այնուհետև ուղարկվում է կազմակերպիչներին, ուստի մեր հիմնական նպատակը դրանց անրադառնալն է: Իհարկե, այսպիսի ձևաչափով օլիմպիադաների անցկացումը ունի ինչպես դրական, այնպես էլ բացասական կողմեր: Միևնույն ժամանակ տեղեկատվական տեխնոլոգիաների արագ զարգացումը հուշում է նման փորձի ու մեթոդների կիրառման անհրաժեշտությունը: Կլինեն անձինք, ովքեր կողմ կամ դեմ կլինեն այս մոտեցումներին, սակայն ստանալով ձեզանից կարծիքներ և առաջարկություններ, մենք հաշվի կառնենք դրանք և այն կօգտագործենք մեր հետագա աշխատանքներում:
Այդ իսկ պատճառով խնդրում ենք ներբեռնել կից WORD-ի ֆայլը, լրացնել այն և ուղարկելinfo@olymp.am էլ. փոստի հասցեին:

Կանխավ շնորհակալություն:

Հարգանքով՝
Դպրոցական առարկայական օլիմպիադաների կազմակերպման և անցկացման աշխատանքային խումբ