22.09.2012թ. ժամը 15:00-ին ԵՊՀ-ին առընթեր Ա.Շահինյանի անվ. ֆիզմաթ դպրոցում տեղի ունեցավ Ա.Շիրակացու 1400-ամյակին նվիրված ԱՊՀ երկրների դպրոցականների Աստղագիտության XV օլիմպիադայի փակման հանդիսավոր արարողությունը:
ՌԴ ԳԱԱ, ֆիզիկայի ինստիտուտի գիտական քարտուղար, օլիմպիադայի համանախագահ Միխայիլ Գավրիլովը օլիմպիադայի բոլոր մասնակիցներին հանձնեց դիպլոմներ (I կարգ - 4 դիպլոմ, II կարգ - 5 դիպլոմ, III կարգ - 6 դիպլոմ) և մաղթեց նրանց նորանոր հաջողություններ:
Երաժշտական համարներով ելույթ ունեցան Ղազախստանի Ալմաթիի և Ա.Շահինյանի անվ. ֆիզմաթ դպրոցի օլիմպիադայի մասնակիցները: Ներկա էին Ուկրաինայի դեսպանատան, Բյուրականի Աստղադիտարանի ներկայացուցիչներ, ծնողներ և բազմաթիվ հյուրեր: